3-декабрь күнү Каракол шаарында диктор Мирзат Муканов менен таланттуу үй-бүлөнүн тун кызы Айзуура Иманалиеванын үлпөт тою болду.
"3-декабрды тандап алганыбыздын себеби – менден улуу агам 16 жыл мурда ушул күнү үйлөнгөн. Кудайдын кулагы сүйүнсүн, агам менен жеңем 7 балалуу болушту. Биз дагы алардын жолун жолдойлу деп ниет кылдык”,- деген Мирзат той тууралуу төмөнкүлөрдү кошумчалады.
– Тойду Караколдо өткөргөнүбүздүн себеби көп. Биринчиден, меймандардын 80 пайызы Көлдө болгондуктан 20 пайызды борбордон чакыруу ыңгайлуу болду. Экинчиден, тойдон кийин кайын журтумду үйгө чакырып эшик төрүбүздү көрсөтүп, "Ак-Суу” курортуна алып барып сый-урматыбызды көрсөттүк. Тайларым казак болгондуктан Казакстандан да коноктор келишти. 300 адамдын башын бириктирген тойго ырымдап ак боз бээ сойдук.

star@super.kg