– Назира, бул турмуш кургандан кийинки алгачкы алган үйүңөрбү?
– Ооба, жаңы баш кошкондо кайнатамдардыкында турчубуз. Ошондо жаш жубайлар батирден батирге көчүп жүрүшсө, биздин ата-энелерибиз бактыбызга үй алып койгон экен деп аябай ыраазы болчумун. Анан эркелеп алардын үйүндө жүрө бербей деп жолдошум экөөбүз акча чогултуп маңдай терибиз менен ушул үйдү алдык. Буюрса, быйыл бул үйдө 3-Жаңы жылды тостук.

– Үйдүн курулушу өзгөчө экен...
– Муну «сити хаус» деп атап коёт экен. Американын технологиясы менен курулган термо үй. Жайында салкын, кышында ысык болот. Үйдү салып жаткан компания Америкада кирпич менен салынбайт, кирпич аларда музейде туруп калган деп аябай кызыктырды. Үйдүн жылытуучу түтүктөрү деле жок, полдун астынан жылытат. Тоого жакын, абасы таза деп ушул районду жактырганбыз (ред. Бишкектин Көк-Жар району).

– Үй алам деген жаштарга кызык болсо керек, кандай шарт менен алдыңар айта кетсең...
– Үй салына электе 12 миң доллар төлөдүк. Калганын шартыбызга жараша үй бүткөнчө төлөп бүттүк. Компания сөзүнө туруп бат эле үйдү бүтүрүп берди, эшик терезе коюп калганын табитибизге жараша жасап алдык. 80 чарчы метрлик үй 55 миң долларга бүттү. Эми, Кудай буюрса, жер тилкебизге чоң үй салалы деп пландап жатабыз.

КИРЕ БЕРИШ

АШКАНА

КОНОК БӨЛМӨСҮ

УКТООЧУ БӨЛМӨ

ЖУУНУУЧУ БӨЛМӨ

Замира Рахманбердиева
Алишер Алиев
star@super.kg