Ар апта сайын эфирге чыгуучу "Азаттык +" жаштар телеберүүсүнүн бото көз алып баруучусу Айгерим Акылбекова жаңы алып баруучуга ордун бошотту. Бул маалыматты тапан тилдүү Айгерим интернеттеги социалдык баракчасы аркылуу бөлүшкөн. Анда аялзатын майрамы менен куттуктап, мындан ары "Азаттык +" жаштар берүүсүн жаңы, жаш, таланттуу алып баруучу кызга өткөрүп бергендигин жазып, ага ийгилик каалаган билдирүү калтырды. Аны менен байланышканыбызда:
– Бул долбоордо 3 жылдай иштедим. Алып баруучулардын ордун бошотуусу, кадрдын алмашуусу биздеги мыйзам ченемдүү көрүнүш. Жаштар берүүсү болгондугуна байланыштуу алардын оюн, тилин билген, ой-чабыты күчтүү, ар тараптуу журналист керек. Алып баруучуну көп убакыт издедик. Кастинг жарым жылга созулду. Жаңы алып баруучу Аида Бекмуратова Кыргыз-Түрк "Манас" университетинин студенти. Ушул аптадан баштап эфирде алып баруучулук кызматты аткарат. Ал эми мен ошол эле "Азаттыктын" "Данисте" телеберүүсүнө репортаждарды даярдайм,- деди.

star@super.kg