КОКТЕЙЛЬ

Мына ошол күн да келди... Арсен үшкүрүнө жанындагы отургучка отура кетти. "Кечээ акчасы, байланышы бар Болуш сени менден байлыгы менен азгырып алып кеткен. Бүгүнчү? Бүгүн сен менин көңүлдөшүмсүң. Болуш менин ар бир буйругумду кың дебей аткарчу адамга айланды. Менден мындайды күтпөсөңөр керек. Өмүр бою байкуш болуп калат дегенсиңер да. Айткылачы, дареметиңер ушул эле беле?!"
Жигит шылдың менен жылмайды. Бирок баары бир өзөгү өрттөнүп жатты. Ал жеңиштин даамы башкача болот деп күткөн. Кайдагы бир аны кемсинткен бай, байга азгырылган жеңил ойлуу сүйүктүүсү үчүн ал адам кейпинен кетип, максаттары үчүн адам өмүрлөрүн садага чапкан таш боорго айланып калыптыр. Жок, бул жеңиш эмес...

Марат Жанбараков