№755 14-20-апрель, 2017-ж.
Кыргызды бий жагынан Евразия өлкөлөрүнө таанытып келген Атай Өмүрзаковдун окуучулары белгилүү ырчылар менен иштешип баштады. Дегенибиз, бийчи жигиттерден түзүлгөн "Адем" тобу Орусиянын
"Чи-ли" тобу менен бир долбоордун үстүндө иштеп, атагы артууда. "Чи-ли" музыкалык тобунун ырчысы Ирина Забияка "Одной крови" деген ырына клип тарттырып, "Адем" тобунун балдары өзгөчө бийи менен клипти көркүнө чыгарган. Клипке тартылуу иштери тууралуу Атай Өмүрзаков: "Бизге өткөн жылдын ноябрь айында "Чи-ли" тобунан сунуш түшкөн. Сүйлөшүүлөрдөн кийин клип январь айында Москва шаарында тартылды. Ага топтон Баяман жана Эрдан деген балдар тартылышты. Мындан башка дагы бир топ сунуштар бар",- деп билдирди.
Эске сала кетсек, бийчилер эл аралык сынактарга катышып, байгелүү орундарга ээ болуп келет.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..
6
1 |
| Маалымат-маанайшат порталы | 2006-2025 © SUPER.KG |