Абдыразак Аманов: «МАГА ЫРЧЫЛАР ТУУРАЛУУ МАКАЛАЛАР ЖАГАТ»

– Абдыразак, байгеңиз кут болсун! Өзүңүз тууралуу айта кетсеңиз?
– Рахмат! Өзүм Кадамжай районунан болом. Учурда Улуттук гвардиянын Ош шаарында жайгашкан №703 аскер бөлүгүндө кадрлар бөлүмүндө кызмат өтөйм. Жашым 27де.

– Сиз көбүнчө кайсы рубрикадагы темаларды жактырып окуйсуз?
– Мен көп убакыттан бери эле «Супер-Инфо» гезитин окуп келем. Мага негизинен кыргыз эстрада ырчылары тууралуу макалалар жагат. Анан сканворд толтурганды жакшы көрөм.

«КЫЛЫМДАР БОЮ ЭЛГЕ КЫЗМАТ КЫЛА БЕРИҢИЗДЕР»

Жалал-Абад облусундагы окурмандар үчүн ойнотулган оюн-утуштун жеңүүчүсү Айтунук Калмаматова кеңсебизге келип, белегин алып кетти:

– «Супер-Инфо» гезитин окуй баштаганыма 10 жылдан ашты. Ошондуктан суроолорго жооп табуу көп кыйынчылык туудурган жок. «Жеңүүчү болдуңуз» деген кабар мага кат жөнөткөндөн 2 жумадан кийин жетти. Угуп алып аябай кубандым.
15 жыл кыргыз элине кызмат кылыпсыздар, кылымдар бою кызмат кылууңуздарды каалайм!