FINCA банк май айында Бишкекте дагы бир аманат кассасын ачып жана Канттагы аманат кассасын ыңгайлуу жерге көчүрүп, дароо эки салтанатты өткөрдү.

Эми Бишкек шаары, 7-кичи району, Токомбаев көчөсү, 53/2де жайгашкан («Глобус» гипермаркетинин жаны) FINCA банктын кеңсесинен акча алуу же которуу, акча алмаштыруу, төлөм терминалын колдонуу, депозит ачуу жана насыя алуу мүмкүндүгү түзүлдү.
Банктын Кант шаарындагы 20 жылдан бери иштеп жаткан аманат кассасы шаардын дал борборуна – Ленин көчөсү, 68ге көчүрүлдү. Жаңы кеңсенин ачылыш аземинде банк башкармасынын төрайымынын орун басары Кай Ильм белгилеп кеткендей, жаңы кеңсе банктын өнүгүшүнүн жаңы кадамын чагылдырып турат:
– Биз көрсөтүп жаткан кызматтарыбыздын түрлөрүн көбөйтүп жатабыз жана бул жерде, Кант шаарында да биздин бардык кызматтарыбызды: насыя алуу, депозиттерди салуу, эсептешүү эсептерин ачуу, акча которуу, акча алмаштыруу, төлөм терминалдарын колдонууну сунуштайбыз.
Ачылыш аземдери кардарлардын, банктын өнөктөштөрүнүн жана жергиликтүү тургундардын катышуусунда болду. Банк менен мурдатан бери кызматташып келген кардар жана бул салтанаттын мейманы Чынаргүл Жекшенбаеванын айтымында, кызматкерлердин меймандос мамилеси анын 2010-жылы FINCA`ны тандап алуусуна себеп болгон.
Ал эми FINCA банк башкармасынын төрайымы Маргарита Черикбаева:
– Жаңы түзүмдүн ачылышы биз үчүн жаңы жеңиш, банктын туруктуулугунун, өнүгүшүнүн жана өлкөнүн экономикасынын өнүгүшүнө кошуп жаткан салымыбыздын далили. FINCA банктын жалпы жамаатынын, акционерлерибиздин жана насыя берүүчүлөрүбүздүн биримдигинин, ак ниеттүү эмгегинин натыйжасында биздин ишенимдүү өнөктөштөрүбүз, сиздердин колдооңуздар менен жана, эң башкысы, кардарларыбыздын бизге болгон ишениминин натыйжасында ушундай жеңиштерге жетип жатабыз,- деп белгиледи.
Эскерте кетсек, FINCA банктын бүткүл өлкө боюнча бардыгы болуп 70тен ашык тейлөө түйүндөрү бар.