Жайдын ысыгында бассейнге түшүү – ысыктан коргонуп, сергип алуунун бир айласы. Бүгүнкү күндө өлкөбүздөгү бассейндерге түшүү акысы канча? Бул маалымдама сизге "шпаргалка" болот.

БАССЕЙНГЕ ТҮШҮҮНҮН ПАЙДАСЫ

• Күн ысыкта салкындап, сергип алууга болот.
• Сууда сүзүү көп кыймылды талап кылгандыктан көп энергия сарпталып, арыктоого алып келет.
• Зат алмашуу жакшырат.
• Психикалык жактан чарчоону жазат, физикалык жактан жараат алгандар болсо, булчуңдардын тез-тез кыймылдап турушу менен жараат бат айыгат.

ЭМНЕЛЕР КЕРЕКТЕЛЕТ?

• Купальник.
• Атайын сууга түшүү үчүн резина баш кийим. Бул нерсе бассейнге чачтын түшүүсүнөн жана чачты хлордуу суудан жабыркашынан сактайт.
• Бутка илип алма бут кийимдер.
• Сууга түшүүгө ылайыкташкан көз айнек.
• Сүлгү, самын, жышынгыч.
• Фен.
• Жаш балдар үчүн баллон.
• Медициналык аныктама. Кээ бир бассейндин кожоюндары абонемент алган кардарларынан талап кылышат.

БАССЕЙНГЕ ТҮШҮҮНҮН ЭРЕЖЕЛЕРИ

• Териңизде карттанган же сырты ачык жаракат болбошу керек.
• Эгерде бассейнде сүзсөңүз, анда суунун канчалык хлордуу экенин билүү керек. Анткени дем алуу системдери же астма менен ооругандарга сунушталбайт. Кээ бир адамдардын хлорго аллергиясы болушу мүмкүн. Андыктан бассейнге барардан мурун дарыгердин текшерүүсүнөн өтүп коюңуз.
• Бассейнге түшөрдөн мурун душка бир чайканып алганыңыз туура.
• Бассейнге сүзүүдөн мурун өтө тоюп албаш керек. Азыраак тамактанып баруу жетиштүү, ачка барууга да болбойт.

Дамира Арстанова
kenesh@super.kg