23-августта Франциянын Париж шаарында өткөн күрөш боюнча Дүйнө чемпиондугунда Айсулуу Тыныбекова 3-орунду ээлеп, коло медаль тагынды. Ал 58 килограмм салмакка чейинки категорияда күч сынашып, чейрек финалда нигериялык Аминат Олувафунмилайону 4:3 эсебинде жеңсе, жарым финалда тунистик Марва Амриге 7:8 эсебинде утулуп калган. Жыйынтыгында 3-орун үчүн кытайлык Нингнинг Ронг менен беттешип, 6:5 эсебинде утуп алды. Кыргыз спортунун тарыхында Айсулуу Тыныбекова кыз-келиндер арасындагы күрөш боюнча Дүйнө чемпиондугунда байгеге жетишкен алгачкы спортчу кыз аталды.

Бектур Токтоноев
politika@super.kg