"Альфа Телеком" ("Мегаком") мекемесин түздөн-түз сатуу боюнча бардык мыйзамдуу жолдор ачылды. Мындай маалыматты Мамлекеттик мүлктү башкаруу фондунан таратышты. Аталган фонддун төрагасынын милдетин аткаруучу Болсунбек Казаковдун айтымында, "Альфа Телеком" ("Мегаком") 13,5 миллиард сомдон кем эмес баага сатылат. "Сатып алуучу талапкерлер аталган суммадан төмөн эмес баага сатып алуу сунуштарын берүүсү керек. Талапкерлерден сунуштар 25-сентябрга чейин кабыл алынат",- деди Казаков.
Маалымат катары: "Альфа Телеком" ("Мегаком") буга чейин 3 жолу аукционго коюлуп, бирок бир да кардар сатып алууну каалаган эмес. Ишкананын биринчи аукциондогу баасы 19 миллиард 700 миллион сомду түзгөн.

Бектур Токтоноев
politika@super.kg