Кыргыз өлкөсүнө казак өкмөтү жардам иретинде 41 миллион доллар бөлүү боюнча документке кол койду. 22-августта Ысык-Көлдө өткөн IV экономикалык форумда аталган сумма убадаланган 100 миллион доллардын бир бөлүгү экени айтылды. Биринчи этапта бөлүнгөн
41 миллион доллардын басымдуу бөлүгү айыл чарба багытына жумшалмакчы.
Эске салсак, 2016-жылда түзүлгөн Кыргыз Республикасы менен Казакстандын өкмөттөрүнүн ортосундагы келишимге ылайык, казак тарап жардам катары
100 миллион доллар бериши керек. Келген жардам Кыргыз өлкөсүнүн Евразиялык экономикалык биримдиктин (ЕАЭБ) талаптарына ылайыкташуусу үчүн сарпталуусу керектиги келишимде көрсөтүлгөн. Казакстандын экономика министринин орун басары Алмаз Сазбаковдун айтымында, жакында калган
59 миллион доллар кыргыз тарапка которулмакчы.

Бектур Токтоноев
politika@super.kg