Кыргыз өлкөсү менен Кытай Эл Республикасынын мамлекеттик чек арасындагы өткөрүү пункттары убактылуу жабылат. Мындай маалыматты Мамлекеттик чек ара кызматынан кабарлашты. Маалыматка ылайык, чек ара пункттарын жабуу сунушу Кытай тараптан түшкөн. Кошуна өлкөнүн түшүндүрмөсүнө караганда, буга 1-сентябрга туш келген Курман айт майрамы себеп болгон. Мындан улам эки өлкөнү байланыштырып турган «Эркеч-Там» өткөрүү пункту 1-сентябрдан 5-сентябрга чейин жабылмакчы.
Кытай Эл Республикасы менен байланыштырган экинчи «Торугарт» өткөрүү пунктунун жабылышы тууралуу маалымат таратылган жок.