-
2017-жылдын 7 айында Кыргыз өлкөсү 573,1 миллион кВт/саат ЭЛЕКТР ЭНЕРГИЯСЫН экспорттогон. Бул пландагы нормадан 163 миллион кВт/саатка көп. Маалыматты өкмөттөн таратышты.
-
Улуттук банктын төрагасынын милдетин аткаруучу болуп НУРБЕК ЖЕҢИШ дайындалды. Ал буга чейин төраганын орун басары кызматын аркалап келген.
-
Кыргыз мамлекетинин 26 жылдык тарыхында 26 ири ЖОЛ КУРУУ жана реконструкциялоо долбоору ишке ашырылган.
-
Майрам күндөрүнө карата унаа жана ЖЕР ҮЧҮН САЛЫКТЫ төлөө убактысы 4-сентябрга чейин узартылды. Бул тууралуу Мамлекеттик салык кызматынан кабарлашты.
-
Республиканын ар бир айылына сапаттуу ИНТЕРНЕТ байланышын алдыңкы 3 жылда жеткирүү пландалууда. Мындай оюн премьер-министр Сапар Исаков Дүйнөлүк банктын өкүлдөрү менен жолугушууда айтты.
-
Президенттик аппараттын башчысы болуп АЛМАЗБЕК ҮСӨНОВ дайындалды. Буга чейин ал ушул аппараттагы маалыматтык саясат бөлүмүн жетектеп келген.
-
Ушул жылдын 11-октябрында Орусиянын Сочи шаарында Көз карандысыз мамлекеттер шериктештигине (КМШ) мүчө өлкөлөрдүн президенттеринин САММИТИ болуп өтөт. Былтыр бул иш-чара сентябрда Кыргыз өлкөсүндө өткөн.
-
Өкмөттүн маалыматтык камсыздоо бөлүмүнүн башчысы болуп ГҮЛНУРА ТӨРАЛИЕВА дайындалды. Буйрукка өкмөт башчы кол койду.
-
Өзбекстандын президенти ШАВКАТ МИРЗИЙОЕВ Кыргыз өлкөсүнө 6-сентябрда иш сапары менен келет. Аталган маалыматты өкмөттөн кабарлашты.
-
ПРЕЗИДЕНТТИК ШАЙЛООГО карата БШКга 61 чет өлкөлүк байкоочу катталды. Бул тууралуу БШКдан кабарлашты.
-
ЖОГОРКУ КЕҢЕШ бир жылга интернет кызматы үчүн 1 миллион сом төлөөгө даяр. Бул тууралуу мамлекеттик сатып алуулар порталына тендер жарыялады.
-
Президент Алмазбек Атамбаевдин кеңешчиси болуп МУХАММЕТКАЛЫЙ АБУЛГАЗИЕВ дайындалды. Буга чейин ал биринчи вице-премьер-министр болуп иштеп келген.
-
Кыргыз өлкөсүнөн 2012-жылдан бери СИРИЯГА СОГУШКА КЕТКЕН аялдардын саны 600гө жакын. Мындай маалымат Бишкекте өткөн "Аялдардын терроризм-экстремизмге каршы туруудагы орду" деген жыйында айтылды.
Бектур Токтоноев
politika@super.kg
0
