• МУХАММЕТКАЛЫЙ АБУЛГАЗИЕВ Президенттик аппараттын башчысынын биринчи орун басары болуп дайындалды. Ал ушул жылдын 26-августунан тартып президенттин кеңешчиси болуп иштеп баштаган эле.
• 2017-жылдын биринчи жарым жылдыгында өлкөдө 2 миңден ашуун жаран КУРГАК УЧУККА кабылганы маалымдалды.
• Жыл башынан бери өлкөдө 2557 ӨРТ КЫРСЫГЫ катталып, 44 киши каза болгон. Маалыматты ӨКМдан тастыкташты.
• Өлкөдөгү ПРЕЗИДЕНТТИК ШАЙЛООГО Европа коопсуздук жана кызматташтык уюмунун (ЕККУ) 300 байкоочусу көз салмакчы.
• БУУда ортомчулук кылуу боюнча жогорку деңгээлдеги комиссиясы түзүлдү. Ага дүйнө жүзү боюнча 18 адам кирген. Алардын арасында экс-президент РОЗА ОТУНБАЕВА да бар.
• Жыл башынан бери мамлекеттик карыздын көлөмү
  221,3 миллион долларга өскөн. 31-июлга карата МАМЛЕКЕТТИК КАРЫЗДЫН көлөмү 4 миллиард 286 миллион долларга барабар болгон. Маалыматты Каржы министрлигинен билдиришти.
• 2017-жылдын 7 айынын жыйынтыгы боюнча, КЫРГЫЗ ӨЛКӨСҮ менен ЕАЭСке мүчө мамлекеттердин ортосунда 1 миллиард 302 миллион долларлык товар алмашылган. Бул 2016-жылкыдан 14,7 пайызга көп.
• Президент АЛМАЗБЕК АТАМБАЕВ менен Орусиянын президенти ВЛАДИМИР ПУТИН 14-сентябрда Орусиянын Сочи шаарындагы иш-чарада жолугушат.
• Мамлекеттик кадр кызматынын директору болуп АКРАМ МАДУМАРОВ дайындалды. Ал буга чейин Президенттик аппараттын жетекчисинин биринчи орун басары болуп иштеп келген.
• КЫРГЫЗ-ӨЗБЕК чек арасындагы жаңы ачылган «Достук» көзөмөл-өткөрүү пунктунан 12-сентябрь күнү
  5 миң жаран жана 300 автоунаа эки өлкөгө өткөн.
• Башкы прокурордун биринчи орун басары КЫЛЫЧБЕК ТОКТОГУЛОВ кызматынан бошотулду. Анын ордуна БӨКӨНБАЙ КАЗАКОВ дайындалды. Буйрукка президент кол койгон.
• 20-сентябрдан тарта Бишкекте туура эмес жерге токтоткон УНААЛАРДЫН дөңгөлөгүн блокировкалоо башталат. Ага салынуучу айыптын көлөмү 1000 сом. Маалыматты ИИМдин Патрулдук милиция кызматынан таратышкан.
• Улуттук банктын төрагасы болуп КУБАНЫЧБЕК КУЛМАТОВ шайланды. Ал буга чейин Кыргыз-орус өнүктүрүү фондун жетектеп келген.

Бектур Токтоноев
politika@super.kg