Коомчулукка «Алай» каймана ысымы менен таанылган Бусурманкул Абдибаит уулу M1-Challenge 83 турниринде бразилиялык мушкер Диего Давеллага каршы беттеш өткөрөт. Аталган турнир 23-сентябрда Татарстандын Казань шаарындагы «Баскет-Холл» аренасында өтмөкчү. Бразилиянын MMA боюнча чемпиону, жиу-житсу боюнча кара кур ээси Диего Давелла орусиялык мушкер Алексей Невзоров менен беттеш өткөрмөк. Невзоровдун жаракатына байланыштуу анын ордуна мекендешибиз Бусурманкул Абдибаит уулу рингге чыкмакчы. Ал Кыргыз өлкөсүнүн грэпплинг боюнча бир нече жолку чемпиону жана эл аралык турнирлердин жеңүүчүсү.