Сентябрь айынын башында Улуу Британиянын ханзаадасы Уильямдын уулу Жорж башка 4 жаштагы балдардай эле мектеп босогосун аттаган. Ал ата-энеси тандаган жеке менчик мектептердин биринде окуп жаткан эле. Алгач Жорждун классташтарынын ата-энелери балдары келечектеги падыша менен окуп жатканына кубанышкан болсо, эми абал башкача. Себеби өткөн жумада кичинекей ханзааданы уурдоого аракеттер жасалышы мүмкүн деген кеп тараган. Андан кийин мектепти полиция кызматкерлери курчап, саат сайын текшерүүлөр жүрүп ыңгайсыздык жаратышкан. Эми ата-энелер комитети «Жорж менен бир мектепте окуу биздин балдар үчүн кооптуу болуп жатат» деп кичинекей ханзааданын мектептен кетүүсүн талап кылышууда.