• Президенттик ШАЙЛООДО 3 миллион 25 миң 768 жаран добуш берет. Аталган маалыматты БШКдан таратышты.
• Премьер-министр САПАР ИСАКОВ 1-октябрда кыздуу болду. Бул өкмөт башчынын төртүнчү кызы.
• 15-октябрда өтчү ПРЕЗИДЕНТТИК ШАЙЛООДО коомдук коопсуздукту камсыздоо үчүн 12 миң 625 ыктыярдуу кошуун иштейт. Бул тууралуу ИИМден кабарлашты.
• Орусиялык кардиохирург АЛЕКСЕЙ КОРОТЕЕВ премьер-министр Сапар Исаковдун коомдук иштер боюнча кеңешчиси болуп дайындалды. Маалыматты өкмөттөн билдиришти.
• Бишкек шаардык кеңешинин ДЕПУТАТТАРЫ борборду 2017-2020-жылдарга карата социалдык-экономикалык өнүктүрүү планын жактырышты.
• Премьер-министр Сапар Исаков президенттикке талапкер Сооронбай Жээнбековго добуш берүүгө үгүт жүргүзгөнү үчүн вице-премьер-министр ДҮЙШӨНБЕК ЗИЛАЛИЕВГЕ катуу сөгүш жарыялады.
• Октябрь айына карата өлкөдө ЖАРАТЫЛЫШ ГАЗЫНЫН 1 метр кубу 14,39 сом деп бааланды. Сентябрь айында да баа ушундай болгон. Бул тууралуу «Газпром Кыргызстан» мекемесинен таратышты.
• Казакстанда медициналык жардам көрсөтүүгө жөнөтүлгөн АН-28 УЧАГЫ КУЛАП, 5 адам каза болду. Алардын экөөсү кыргыз жараны болгон.
• 2012-2016-жылдар аралыгында Кытай, Улуу Британия, Орусия, Түркия, Канада жана Казакстан Кыргыз өлкөсүнө түз ИНВЕСТИЦИЯ салып, негизги өнөктөш болгон. Маалыматты Улуттук статистика комитети таратты.
• Кыргыз мамлекетинин жарандарынын 30 пайызы 70 жашка жетпей оорудан КӨЗ ЖУМАТ. Бул тууралуу Бүткүл дүйнөлүк саламаттыкты сактоо уюмунан билдиришти.
• 1-октябрда жабылган КЫРГЫЗ-КЫТАЙ чек арасындагы «Торугарт», «Эркеч-Там» көзөмөл пункттары 8-октябрда кайрадан иштей баштайт.
• Жогорку Кеңештин «Республика–Ата-Журт» фракциясынан депутат Нургазы Нишанов «Кыргызжылуулук-энерго» ишканасынын башкы директору болуп дайындалганына байланыштуу мандатын тапшырды. Анын ордуна парламентке мурдагы ички иштер министри ЗАРЫЛБЕК РЫСАЛИЕВ депутат болуп келди.
• КЫРГЫЗ-ӨЗБЕК чек арасындагы такталбаган тилкелер боюнча келишимди эки өлкө парламенттери ратификациялап, өлкө башчылар кол койду.

Бектур Токтоноев
politika@super.kg