• Саламаттыкты сактоо министрлигинин маалыматы боюнча, өлкөдө психиатр, неонатолог, анестезиолог-реаниматолог адистигиндеги дарыгерлер жетишсиз.
• Өлкө боюнча аба ырайы 26-27-ноябрда өзгөрүп, жамгыр артынан кар жаашы күтүлөт. Бул тууралуу Кыргызгидрометтен билдиришти.
• Президент Алмазбек Атамбаев Орусиянын президенти Владимир Путинди I даражадагы «Манас» ордени менен сыйлады.
• Өлкө боюнча 223 автомектеп бар. Анын 99у атайын текшерүү учурунда эскертүү алды. Бул тууралуу Билим берүү жана илим министрлигинен билдиришти.
• Мамлекеттик салык кызматына 10 айдын ичинде 415 жаран аймактардагы салык жыйноо процессине байланыштуу нааразы болуп кайрылышкан.
• АКШ жана Бүткүл дүйнөлүк саламаттыкты сактоо уюмунан Кыргыз өлкөсүнө сасык тумоого каршы 105 миң дозадагы бекер вакцина келди.
• 2017-жылдын 1-ноябрына карата өлкөдө ВИЧ илдетине кабылгандардын саны 7803 экени белгилүү болду. Бул тууралуу Республикалык СПИД борборунан таратышты.
• Экс-муфтий Чубак Жалиловдун сабактарын, баяндарын YouTube сайтына жүктөп келген «Насаат-Медиа» порталы YouTube компаниясынын күмүш баскычына ээ болду. Бул баскыч 100 миңден ашуун адам жазылган каналга ыйгарылат.
• Жогоку Кеңештин жыйынында «Ата Мекен» фракциясынан депутат Сайдулла Нышанов президент Алмазбек Атамбаевге жасаган эмгектери үчүн «Кыргыз Республикасынын Баатыры» наамын берүүнү сунуштады.
• 22-ноябрда Чүй облусунун Токмок шаарында көчөгө ташталган ымыркай кыз табылды. Кыздын ата-энеси изделүүдө.
• Жалал-Абад шаарынын мэри болуп КСДПнын өкүлү, буга чейин шаарды башкарып келген Салайдин Авазов шайланды. Шаардык кеңештеги фракциялардын пикир келишпестигинен улам 1 жылга чукул шаар мэри шайланбай, бюджет бекилбей келген.
• Президент өзүнүн коомдук башталыштагы кеңешчиси Икрамжан Илмияновду кызматтан бошотту.

Бектур Токтоноев
politika@super.kg