Мындан 8 жыл мурун кыргыз эстрадасында «Нон-Стоп» деп аталган жаңы дуэт жаралган. Максат жана Чолпон аттуу таланттуу жаштардан куралган дуэттин келечегине ал кезде көпчүлүк ишенбесе деле керек. Бирок дуэт бир нече хит ырларды жаратып, теледолбоордо да жигердүү эмгектенип келди. Ыр, клиптин сапатына басым жасаган Максат менен Чолпондун «Нон-Стоп» дуэтиндеги сапары карыган сыягы. Анткени мындан ары алар топто ырдабай тургандарын билдиришти. «8 жылдан бери «Нон-Стоп» дуэти катары иштеп жаттык эле. Эми биздин келишим бүттү. Дуэтке жаңы дем керек болду. Андыктан кастинг жарыяладык, жаңы солисттерди тандайбыз. Өзүбүз болсо мындан ары иштей беребиз. Азырынча шоу-бизнестен кетпейбиз»,- деди Чолпон Талипбекова.

star@super.kg