Илгери Математика деген шаарда жалаң гана сандар жашаган экен. Алар дайым ким улуу деп талаша беришчү. Кимиси улуу экенин аныкташ үчүн алар мындай белгилерди (<, >, +, =, -) ойлоп табышат. Алардын арасында эң кичинеси 1 жана 0 сандары болуптур. Аларды башкалар ар дайым кичинесиңер деп мазакташчу экен. Чогулушка, кимдир бирөөнүн үйүнө барганда да аларды унутуп калышчу. Алар дагы мектепке баргысы келип, ойлонуп отуруп экөө кошулуп алууну туура көрүшөт. Ошентип 10 саны пайда болот. Аларды туурап башкалары да биринин жанына бири туруп алууну үйрөнүшөт.

Силер канча сан билесиңер? Эсептегенди билесиңерби, анда муну эсептеп көргүлөчү.

Бир бактагы алма менен экинчи бактагы алмурутту кошсоңор канча болот?

Нуржамал Жийдебаева
balakai@super.kg