Кыргыз кинолору биринин аркасынан экинчиси чет жерде өткөн эл аралык фестивалдарда алдыңкы орундарга ээ болуп жатканы ар бир кыргыз үчүн сыймык. Темир Бирназаровдун "Түнкү кырсык" деп аталган толук метраждуу тасмасы Эстонияда өткөн "Тёмные ночи" эл аралык кинофестивалында баш байгеге ээ болду. Аталган фестиваль 1997-жылдан бери өтүп, дүйнөдөгү эң ири делген 20 кинофестивалдын катарына кирет. "Кыргызфильм" тарабынан каржыланып, узактыгы 1 саат 30 мүнөттү түзгөн тасма таң каларлык мүнөздөгү жаш кыз менен улгайып калган курактагы жалгыз жашаган эркек киши жөнүндө.