Сулуу куйрук, жалы бар,
Сүтү абдан дары мал.
Эр жигиттин канаты,
Эмне деген жаныбар?
^(Жылкы)

Эң эле жоош-момун мал,
Эң пайдалуу, сонун мал.
Ызгаар суукта үшүбөйт,
Абдан жылуу тону бар.
^(Кой)


Тырмактары абдан курч,
Тызылдатып чычкан кууйт.
Тамактанып бүткөн соң
Тоюп алып бетин жууйт.
^(Мышык)

Караан көрсө абалап,
Күнү-түнү короо кайтарат.
Байкабасаң, балакай,
Балтырыңды каап алат.
^(Ит)



Күчү жетпейт алышкан,
Көрсө, баары качышкан.
Айбанаттын паашасы,
Анын аты А....н.
^{(Арстан)}

Бактыгүл Момбекова
balakai@super.kg