Популярдуу рэп ырчысы Баястан Жаңы жыл алдында сүйлөшкөн кызы, бийчи Зульфияга сөйкө салды. Бул жаңылыгы менен ал өзүнүн интернеттеги өздүк баракчасына бөлүшүп “Мына, баары бүттү” деген билдирүү калтырган. Кайда болбосун жетелешип жүргөн Баястан менен Зульфия көптөн бери жаштардын сүймөнчүк түгөйлөрүнө айланып келет. Баястан сүйүктүүсүнө арнап “Жарашат” ырын да бекеринен арнабаган экен деп калдык.
“Зульфия экөөбүз концерттен таанышканбыз. Ал абдан жөнөкөй. Жакында эле кыргыздын салты менен сүйүктүүмө сөйкө салып койдук. Кудай буюрса, той болор күн алыс эмес. Жакшылыгыбызды сөзсүз сиздер менен бөлүшөбүз”,- деп Баястан кубанычын бөлүшө кетти. “Жарашат” аттуу ырындагы “Эми жашай албайм сенсиз, түбөлүккө болгун меники...” деген саптарында айтылгандай, эки жаш эми түбөлүккө бирге бактылуу болсун деп тилейбиз.
Баястандын сүйүктүүсү Зульфияга сөйкөнү рэпердин бир тууган агасы, клипмейкер Мирлан Саткымбаевдин жубайы салды.

star@super.kg