Жылдыздар туулган күнүндө достору түнкү саат 12ни какканда куттуктап келишкенин көп жарыялашат. 1-февраль күнү 29 жашка чыккан Данияр Эрматовду Аваз Акимов, Алмаз Шаадаев, Эрнист Сыдыков баш болгон достору куттуктап үйүнө барышкан. Бирок алардын сюрпризи ишке ашпай, суукта көчөдө калышкан видеосу интернетке жүктөлдү. Көрсө, ырчы мырза эч кимди убара кылгысы келбей телефонун өчүрүп койгон экен. «Жыл сайын досторум түнкү саат 12де куттукташат. Бул ирет аларды убара кылгым келбей, кайда экенимди айтпай телефонумду өчүрүп койгон элем. Баары бир убара болушуптур да. Эртең менен досторумдун баарынан кечирим сурап, бүгүн конокко чакырдым. Аваздар бир сыйра таарынып, кайра жазылды. Негизи мен туулган күн белгилөөгө кызыкпайм. Жыл сайын куттуктагандар көп болуп баратат. Жадакалса чет элден күйөрмандарым таттууларды буюртма менен үйгө жөнөтүп жатышат. Учурда Инстаграмда 10 миңден ашуун жеке билдирүү, вотсапка 2 миңден ашкан куттуктоолор келди. Баарыңыздарга ыраазымын», - дейт Данияр.

star@super.kg