«Non-Stop» дуэтинин экс-ырчысы Чолпон Талипбектин бир тууган сиңдилери, модель кыздар Мадина жана Медина Талипбековалар казактардын тасмасына тартылышты. Бул тууралуу эгиз кыздардын эжеси Чолпон Талипбек мындай дейт: «Ооба, сиңдилерим Мадина менен Медина казактардын «Таиланддагы каникулдар» деген комедиясына тартылышкан. Аталган тасманын продюсери Казакстанда белгилүү куудул Нурлан Коёнбаев, бизге тасманын кастинг директору байланышып, Мадина менен Мединаны фильмге тартуу сунушун киргизген. Аларга ролго сулуу эгиз кыздар керек экен. Мадина менен Медина алар элестеткен эгиз кыздарга төп келиптир. Тасмада белгилүү казак актёру, «Рэкетир» фильминде бизнесмен Жандын ролун ойногон Жанат Байжанбаев да роль аткарган».