Кыргыз Республикасынын Эмгек сиңирген артисти, «Голос» телешоусунун финалисти Кайрат Примбердиев кайрадан Орусиянын сахнасын багынтууга бел байлады. 18-февралда Кайрат Татарстандын Эмгек сиңирген артисти, атактуу театр жана кино актёру Марат Башаров режиссёрдук кылган «Разговор с душой. За гранью» спектаклине катышып келди. «Москва шаарынын Крокус Сити Холл концерттик залында Башаров койгон мюзикл болуп өттү. Буюрса, марттан баштап гастроль менен Орусиянын 9 шаарын, Казакстанды кыдырабыз. Апрель айларында спектакль Бишкекте да коюлат. Спектаклде Марат Башаров башкы ролдо болсо, мен ортосунда ырдайм»,- дейт Кайрат Примбердиев.
Кошумчалай кетсек, бул мюзиклде алгачкы ирет Марат Башаров өзүн коюучу режиссёр катары сынаган. Актёрдон сырткары спектаклде башкы ролду белгилүү орусиялык актёр Александр Головин жаратат.

star@super.kg