Буга чейин ырчы Назгүл Токтакунова сахнага Yella деген каймана ат менен чыгууну чечкенин жазганбыз. Ырчынын «Кинодогудай» ("Как в кино") деп аталган ыры коңшу Казакстандын музыкалык «Муз live» телеканалында экранга чыгууда. Чыгармачылыкта өзү үчүн жаңы горизонтторду ачып жаткан Yella: «Негизи казакстандык кесиптештер менен ыр жаздырып иштешем. Ошондой эле ал жакта продюсер тааныштарым да бар. «Кинодогудай» деп аталган клип тартылган соң аларга, казак ырчысы Кенталга жөнөтүп койдум эле, алар тарабынан мактоо уктум. Продюсерлер «биздин телеканалдарга жиберип көр, жактырса алышат» деп айтышканынан, клипти жөнөтүп көрсөм, өтүп кетти. Бир гана Казакстан эмес, Орто Азияга, Орусия мамлекетинин сахнасына чыккым келет. Аракет кыла берем, буюрганын көрөбүз»,- дейт.