Бардыгы эмнеден башталды? Чындап мен ушул нерсени көп ойлондум. Ошол жамгырлуу күнү мен аны менен кездешеримди билген эмесмин. Адатымча мен жумушума келе жаткам.Маанайым нөл! Көчөдөгү сууктан, ичимдеги ызадан, мени түшүнө албаган адамдардан качып кутулгум келип жаткан. Силерде да ушундай маанай болот болуш керек, ээ? Билбейм, менде көп болот. Бирок мен бул жолу күндөй жылыткан, мээрими баарына жете турган адам мени күтүп турганын билген эмесмин.

– Алгач мен аны жумушумдан көрдүм. Колумдан түшүп кеткен китептеримди жыйнап жатып ал мени күлмүңдөп карап калды.

– Терс жооп кайтарса адам кабагы түйүлө түшөт эмеспи. А бул, тескерисинче, ого бетер жылмайып карады. Аргасыз күлдүм. Ошондон баштап жакшы тааныш болуп жүрдүк.

– Эмилдин жанынан көп күлчү адат таптым. Кийин аны жанымда жок болсо издей баштачу болдум. Аз убакыттан кийин мен бул адамсыз жашоомду элестете албай калдым. Айланамда сулуулугума кызыккандар көп эле.Бирок Эмилдин сүйүүсү өзгөчө болчу.

– Бир күнү сейилдеп жүргөндө анын апасы бизди көрүп калды. «Апам!» деди да, катып калды. Ал аялдын муздак көз карашы мени тешип кетчүдөй сезилди.

– Менден тез алыстаган Эмил апасынын жанына барды. Апасы катуу урушуп жатканын билип турдум.

– Бул арада Эмил мага үйлөнүүнү сунуштады. А мен кабыл алдым.

Кайненеси Айжанды кабыл алабы? Кайнене-келиндин тиреши кайсы жерге чейин барат?

(Уландысы кийинки санда)

Нуржамал Жийдебаева
Адилет Бектуров
star@super.kg