– Гүлзат эже, машиналуу болгонуңузга канча убакыт болду?
– Өтүп кеткен жылдын август айында алгам, буюрса, бир жылга жакындап калды. Бул менин биринчи машинам. Ошондуктанбы, сатып алаарда өзгөчө толкунданганым эсимде. Жолдошум экөөбүз машине базарга барып, музыкалык аппаратураны да салганга ыңгайлуу деп ушул машинаны тандап алган элек.
– Айдаганды машина алганга чейин билчү белеңиз?
– Жок. Машинаны алгандан кийин автомектепке тапшырдым. Ал жакта үч ай окуп, эрежелерин толук өздөш­түр­гөндөн кийин гана айдап баштадым. Бир чети машина алып коюп, анан үйрөнсөң жакшы экен. Себеби, тез үйрөнүүгө түрт­кү болот экен.
– Биринчи жолу рулга олтурганда өзүңүздү кандай сезгенсиз?
– Аябай коркком. Чынын айтсам, сүрү бир топ экен. Айдагандан эмес, рулдун өзүнөн сүрдөгөнүм эсимде. Колдорум мени укпай жаткандай болгон. Анан айдаганды жакшылап үйрөнүүмө бир тууган инимдин жардамы көп тийди. Ал мага көп убакытка чейин машина айдоонун сырларын үйрөтүп жүрдү. Азыр кудайга шүгүр, машинага байланыштуу көп нерселерди өзүм билип калдым.
– Машинаңыздын мүнөзү кандай?
– Абдан жумшак. Башкача айтканда, "капризный" эмес. Анан дагы майды көп жеп, бузулуп убара кылбайт.

(Макаланын толук вариантын «Супер-Инфо» гезитинен окуңуздар).