Кыргыздын бий маданиятын дүйнөгө тааныткан Атай Өмүрзаков "Адем" тобу менен АКШда өтчү «America's Got Talant» сынагына барбай калды. Ага себеп бийчилерге АКШ элчилигинен виза бербей коюшкан. «Аябай каалаган сынакка чакыруу алып, консулдун маанайы жок болгону үчүн гана визаны бербей коюу бизде гана болушу мүмкүн. Кыргыз Республикасынын беделин түшүргөн жана түшүрүп келаткандарга рахмат» деп өздүк баракчасына билдирүү калтырган. Бул окуя боюнча Атайга кайрылганыбызда: «Бул сынакка катышуу менин 2009-жылдан берки кыялым болчу. Андан сырткары акыркы долбоорум эле. Визаны алсак, 21-мартта фестивалга кетмекпиз. Айла жок барбай калдык. Мурунку жылы да сынакка чакыруу келип, визанын айынан барган эмеспиз. Быйыл эки жолу тапшырсак да виза бербей коюшту. Буга АКШга барып калып калган, ал жакта жүрүп бизди уят кылган мекендештер себеп»,- деп кошумчалай кетти Атай. Ошондой эле Атай мындан ары бийди токтотуп, жеке ишкерлик менен алектенерин айтып өттү.

star@super.kg