Кыргыз өлкөсү өз тарыхында биринчи жолу футбол боюнча Азия кубогуна катышат. Мындай мүмкүнчүлүккө 22-мартта Түштүк Кореяда өткөн беттеште Мьянманы 5:1 эсебинде жеңип алган соң жетишти. Кыргыз курама командасы 5 оюндун жыйынтыгында "А" тайпасында 10 упай менен 2-орунда жайгашса, 1-орунда 13 упайга ээ болгон Индия курамасы жазылып турат. Ал эми Мьянма 5 упай менен 3-орунду алса, упайсыз Макао 4-орунга жайгашкан.
Алдыда Кыргыз курама командасы тандап алуу оюнунун акыркы беттешинде Индия менен беттешет. Оюн 27-мартта Бишкек шаарында болуп өтөт. Бул оюнда жеңген да, жеңилген да команда Азия Кубогуна чыгат.

Бектур Токтоноев
politika@super.kg