Көптөн бери Анжелика менен жолдошу Урмат Бекболиевди ажырашат, ажырашпайт деп эл талкуулап бүтө албайт. 2-апрель күнү Биринчи Май райондук сотунун жыйынтыгы мындай талкууга чекит койду көрүнөт. Сотто ырчы айымдын жолдошу менен ажырашуу тууралуу арызы канааттандырылып, алар расмий түрдө ажырашты. Анжелика Инстаграмдагы жеке баракчасына: «Бир жылга жакын жолдошум экөөбүз бирге жашабай калганыбыз баарыңарга маалым. Көптөгөн соттук процесстерден кийин чечим чыгып, мыйзамдуу негизде ажыраштык. Мындан аркы жашоо биздин жеке иш. Ажырашкан бул дүйнөдө жалгыз биз эмеспиз. Жашоо улана берет» деген билдирүү калтырган.
Ырчынын жолдошу Урмат Бекболиевге кайрылганыбызда, ал соттун чечимине макул эместигин айтып, бул иш боюнча шаардык сотко кайрыла тургандыгын билдирди. "Сотко Анжелика экөөбүз тең барган жокпуз, биздин жактоочуларыбыз катышты. Менин жактоочумдун айтуусунда, чечим дагы 1 айдан кийин күчүнө кирет. Ажырашты деп айтууга эрте. Алдыда дагы сот иштери бар",- деди ал.
Белгилей кетсек, Анжелика менен Урмат Бекболиев 2006-жылы баш кошушкан, ортосунда 3 кызы бар.

star@super.kg