ЕВРОПАДА КЫЛ ЧАЙНАШ...

№805 6-апрель -12-апрель, 2018-ж.

Бул апта ичинде Чемпиондор Лигасынын чейрек финалдык оюндары орун алды. Италиянын Турин шаарында жергиликтүү «Ювентус» «Реалга» туруштук бере албай, 0:3 эсебинде жеңилди. Криштиану Роналдунун аракети менен мадриддик команда жарым финалга ири кадам таштады. Ал эми испаниялык «Севилья» өз үйүндө «Баварияга» бир гол айырмачылыкта утулду. Мюнхендик машинанын оюнчулары Рибери менен Алькантара 2:1 эсебинде жеңишти алып келишти. Ал эми каталондук «Барселона» «Ноу Камп» стадионунда «Рома» менен ойноп, Пике, Суарес жана эки автоголдун эсеби менен ири эсептеги жеңишти камсыздады. «Энфилд» стадионунда «Ливерпуль» – «Манчестер Сити» тиреши орун алып, Юрген Клопптун шакирттери «шаардыктардын» таш талканын чыгарып салышты. Салахтын сол буту, Фирминонун фантазиясы, Маненин чапчаңдыгына Де Брөйненин сыйкыры туруштук бере алган жок. Эсеп 3:0. Жооптук беттештер кийинки аптада орун алат.

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..