Интернет айдыңында ырчы Эркин Мукашев тууралуу видео тарап, талкуу жаратты. Анда ырчы кийим саткан дүкөнгө кирип, сатуучу менен урушуп жатканын көрүүгө болот. Дүкөнчү кыз ызы-чуу жаратпашын суранганда ого бетер ачууланып, кызды орой сөздөр менен сөгүп, «кечинде чыгып бара жатканда арматура менен башка чаап кетем» деп опузалап, коркутканы бар. Дүкөнчү кыздын айтымында, ырчы бир нече көйнөктү кийип көрүп, андагы баага нааразы болгон. Бул боюнча Эркин Мукашевге кайрылганыбызда мындай жооп берди:
– Видеону тараткан блогер тамашаларымдан орой кептерди кесип алып, таратып жиберди. Ал дүкөнгө мурда деле көп барчумун, тамашаларымды ал кыздар жакшы түшүнүшөт, дайымкы тамашам катары эле кабыл алышкан. Кыздардан кечирим сурадым, маселе жок. Бул нерсенин айынан 9 жаштагы балам эки күндөн бери мектепке баруудан баш тартты. Ыйлап жатат.

star@super.kg