Yella (Назгүл Токтакунова) Орусиянын ТНТ телеканалындагы “Резидент ТНТ music” долбооруна катышып, 1-турдан өттү. Аталган долбоор 2-жолу өткөрүлүп жатат. “Досторум ушул долбоорго катышып көрбөйсүңбү деп сунуштап калышты. Макул болуп “Как в кино” деген ырымдын аудиосун, клибин жөнөткөм. Каналдын продюсери өзү “куттуктайбыз, жүздөн ашуун ырчынын арасынан сиздин ыр тандалган 10 ырдын арасына кирди” деп интернеттен байланышка чыкты. Сүйүндүм, 2-этап боюнча 1-июнга чейин ТНТ каналынын форматына ылайык ыр жаздыруу эле. Азырынча ыр тандай элекмин. 7-майга чейин интервью да беришим керек болчу. Орусияга барганга жетишпейт экенмин, интервьюну бул жактан даярдап салып жибермей болдум. Эфирге 10-майда чыгат. Бул долбоордон сырткары да көп иштер менен алек болуп, азыр жадакалса уктаганга убакыт тар болуп жатат. 1-орунду алган жеңүүчүгө миллион рубль тапшырылса, 2-орунду алган ырчыга клип тартып берип, аны телеканал аркылуу элге жайылтат экен. 3-орунга ээ болгон ырчы Орусияда өткөрүлчү чоң концертке катышат”, - дейт ырчы. Назгүлгө ийгилик каалайбыз, алдыңкы 3 орундун бирине илинет деген ишеничибиз бар.

star@super.kg