30-майда Алматы шаарында “Снять за 48 часов” аталышындагы Эл аралык кинофестиваль болуп өттү. Катышуучулар кино тууралуу тапшырма алышып, 48 сааттын ичинде кыска метраждуу, тагыраагы,
4 мүнөттүк тасма даярдашы керек. Тамашоучулар Самат Эркинбеков, Рүстөм Аскенов, Кубанычбек Курманбековдор фестивалга катышып, алар тарткан “Байпак” тасмасы “Эң мыкты комедия” наамын жеңип алды. “Биз интернет аркылуу тапшырма алып, 48 сааттын ичинде даярдап, интернет аркылуу жөнөттүк. Тапшырма боюнча тасмада "ийне-жип, шляпа, англисче сүйлөй аласыңбы?" деген сөздөр кошулушу керек эле. Биз коррупция тууралуу тартып, “Байпак” деп атаганбыз. Тасмага 12 актёр катышты. 3 жылдан бери өтүп келе жаткан фестивалга биз 1-жолу катышып, “Эң мыкты комедия” наамын жеңип алдык”,- дейт Самат Эркинбеков.