Апамды издеп», «Салам, Нью-Йорк» тасмасынын режиссёру Руслан Акун кезектеги тасмасын тартып жатат. Спорттук драма жанрындагы бул тасма Ысык-Көл жээгинде тартылууда. Тасма Казак өлкөсү менен биргеликте тартылып жатат. Тартуу учурунда режиссёр ден соолугун жабыркатып алган. Өзү менен байланышканыбызда ал буларды билдирди:

– Рахмат, ден соолугум жакшы болуп калды. Тасма тартып жаткан учурда «Ынтымак» командасынын улакчылары легендарлуу Ахилес деген атты берип аябай кубандырды. Ал тасмабыздын көркү болуп жатат десем жаңылышпайм. Ахилести тартып бүтүп ага жакындайын деп жатканда аркамда турган азоо ат тээп жиберди. Эки күн ооруканада болдум, анан корсет кийип алып тасма талаасына келдим. Мыкты тартуу үчүн каражатты жакшы сарптадык. Каражатыбызды камсыз кылган менин досум, тасманын продюсери Нурбек Айбашов. Акча жетпей калып банктан насыя алууга туура келди. Бирок тасманын сапаты үчүн аракет кылып жатабыз. Буюрса, тасманы жакын арада кинотеатрлардан көрүп каласыздар.