Урматтуу мекендештер! “Кант-Сүт” компаниясы Орозо айт майрамыңыздар менен бардыгыңыздарды чын ниеттен куттуктайт! Сиздерге каалаарыбыз – үйүңүздөрдө тынчтык, ден соолук, бакубатчылык болсун! Алла Тааланын ыраазычылыгы үчүн кылган ибадаттарыбыз, туткан орозобуз жана бардык жакшылыктарыбыз кабыл болсун! Айтыңыздар маарек болсун!

► Учурдан пайдаланып, “Кант-Сүт” компаниясы 1998-жылдан тартып бүгүнкүгө чейин сүт жана андан жасалган сүт-азыктарын даярдап, өлкө ичинде жана республикадан сырткары башка да мамлекеттерге экспорттоо иштери менен алектенип келерин маалымдай кетмекчибиз.

► Негизги багыттарыбыз: пастерленген сүт, каймак, кам каймак, айран, биокефир, йогурт, сыр, быштактар, аларды түрдүү ассортиментте өндүрүү. Андан сырткары кургак сүт, каймак май (сливочное масло) да өндүрүп, чет мамлекеттерге экспорттоп келебиз.

Биз чыгарган ата мекендик сүт азыктардын бардыгы нукура табигый болгондуктан, алардын сактоо мөөнөттөрү өтө кыска, сапаттуу жана пайдалуу болушуна биз ар дайым бардык аракеттерди көрөбүз.
 
► Санитардык-гигиеналык жана ветеринардык эрежелердин сакталышы өндүрүштө дайыма көзөмөлдө болот. Сүт азыктарынын сапаты эң биринчиден сүт өндүрүүчүлөрдүн бизге тапшырган чийки сүтүнүн сапатына түздөн-түз байланыштуу болгондугунан биз бул тармакта тынымсыз көптөгөн иш-чараларды жасап келебиз. Өндүрүшкө дайыма өнүккөн жана новатордук технологияларды изилдеп жана колдонобуз. Өнөр жайда жогорку квалификациялуу, өзүнүн ишин мыкты билген адистер, кызматкерлер эмгектенишет жана, албетте, алар үчүн бардык ыңгайлуу шарттар түзүлгөн.

► Сиздердин ден соолугуңуздарга, ошондой эле ата мекендик продукциянын туруктуу сапатына, коопсуздугуна кам көрүү үчүн 2016-жылы өнөр жайга эл аралык “Тамак-аш азыктарынын коопсуздугун башкаруу системасы “ISO 22000:2005” сдандарты киргизилген, бул өндүрүштө жаралчу кокустуктардын алдын алат. Өнөр жайда 3 лаборатория ишке киргизилип, учурда ийгиликтүү иш алып барууда: “Кирүүдөгү көзөмөл лабораториясы” – келген чийки заттарды көзөмөлдөйт. “Өндүрүштүк лаборатория” – өндүрүүдөгү бардык процесстерди көзөмөлгө алат. “Микробиологиялык лаборатория” – өндүрүлгөн сүт-азыктардын бардыгын кылдат текшерүүдөн өткөрүп турат.

Мындан сырткары компания 2017-жылы Халал индустриясын өнүктүрүү борборунда “Халал” сертификациясынан өткөн.


► Биздин азыктар бул тармактагы дүйнөлүк лидерлерден сатып алынган коопсуз, сапаттуу кутуларга таңгакталат. Биз чыгарган азыктардын көп түрдүүлүгү менен өлкөнүн бардык облустарынан жана борбор шаарыбыздын бардык супермаркеттеринен көрүп, тааныша аласыздар.

► “Белая река” соода маркасы менен белгилүү “Кант-Сүт” ЖЧКсы мындан ары да Кыргызстандын эли үчүн сапаттуу, экологиялык жактан таза, байытылган витаминдүү, пайдалуу адал сүт азыктарын чыгаруу үчүн талыкпай эмгектенип, жыл сайын өндүрүштү кеңейтүү менен кошумча жумуш орундарын камсыз кылуудабыз.

Дагы бир жолу бардыгыңыздарды Орозо айт майрамыңыздар менен куттуктайбыз, урматтуу кыргызстандыктар! Айтыңыздар маарек болсун! Кийинки Рамазан айына чейин сак-саламатта болуңуздар!