КОЙ (21.03-20.04)
Жабык типтеги ишканаларга каттоого туура келет. Жумуштардын көбүн жалгыз аткарууга аргасыз болосуз. Апта жалпысынан сиз үчүн ийгиликтүү. Кайсы бир жактан акчанын келиши күтүлүүдө.

БУКАЧАР (21.04-20.05)
Дос, кесиптеш, айрым өнөктөштөр менен дагы да болсо тыгыз мамилени улантасыз. Чөгүңкү маанайга караганда көңүл көтөрүлгөн учурлар көп болот. Маселелерди оң жакка чечүү үчүн үйдөгүлөрдүн кеңешине таяныңыз.

ЭГИЗДЕР (21.05-21.06)
Аптада жумуштагылар менен жакшы түшүнүшүп иштейсиз. Жетекчилик тараптан жасаган эмгегиңиз бааланат. Врачтарга текшерилүүгө аптанын ортосу ыңгайлуу. Жубайыңыз менен чырлашуудан сак болуңуз.

БӨЙӨН (22.06-22.07)
Башка жактык тааныштар, көзөмөл органдары менен сүйлөшүүлөр жакшы жүрөт. Сыртта жашаган балдар же сүйүктүүңүзгө барасыз же алар келишет. Ден соолукка көңүл бөлүүнү унутпаңыз.

АРСТАН (23.07-23.08)
Үйүңүзгө кирешенин кириши күтүлүүдө. Адаттагы мактанчаактыкты ооздуктасаңыз, кирешенин көлөмү бир топ жогору болот. Эс алууга, балдарга акча сарптайсыз. Жакшы окуяларга күбө болосуз.

БИЙКЕЧ (24.08-23.09)
Мыйзамга, укукка байланыштуу маселелер жакшы жакка чечилет. Жубайыңыздын сыйы, колдоосу жүрөгүңүздү жылытат. Жакшы кабар угасыз. Сапарга чыгуу, унаа, бир туугандар маселеси да четте калбайт.

ТАРАЗА (24.09-23.10)
Акыркы мезгилде сизди түйшөлтүп келген айрым бузулган мамилелерди жума күндөн баштап калыпка келтирүүгө болот. Сунуштар түшсө жок дебеңиз. Балдарыңыздын ийгилиги кубантат. Жакын санаалаштар менен бирге болосуз.

ЧАЯН (24.10-22.11)
Жумушуңузга, иш кагаздар менен документтерге так болуңуз. Айтышуудан абайлаңыз. Жолдо жүрүүдө, рулда сак болуу кажет, кооптуу мезгил. Ишемби, жекшембиде кесиптештер, үй-бүлө мүчөлөрү менен жагымдуу сүйлөшүүлөрдү жүргүзөсүз.

ЖААЧЫ (23.11-21.12)
Каржыга байланыштуу көйгөйлөр акырындап чечиле баштайт. Мамлекеттик органдардын тиешелүү кызматкерлери, кайын журт, туугандар менен жакшы мамиледе болосуз. Жакшы кабар угасыз. Унаага жана сапарга чыгууга байланыштуу маселе козголот.

ТЕКЕЧЕР (22.12-20.01)
Кыйкымчылдыкты токтотсоңуз жана үй-бүлө мүчөлөрү менен чырлашпасаңыз акчага ээ болосуз. Башталган иштер, долбоорлор ийгиликтүү улантылат. Достор жардамга кол сунушат.

СУУ КУЯР (21.01-19.02)
Жолдо жүрүүдө, унаа башкарууда сак болуу зарыл. Кооптуу мезгил. Сапарга чыгуудан мурда унааңызды сөзсүз текшертип коюңуз. Антпесеңиз жолдо калып. барчу жериңизге кечигип жетүүңүз мүмкүн.

БАЛЫК (20.02-20.03)
Акыркы күндөрдөгү кыйчалыш иштер бир калыпка түшсүн десеңиз, өз алдыңызча, максаттуу түрдө иштеңиз. Ички үнүңүздү угуңуз. Жакындарыңыздан кабар алып койсоңуз, сүйүнүп калышат.