Мурдагы биринчи вице-премьер, Жогорку Кеңештин депутаты Аскарбек Шадиевге «Мыйзамсыз жол менен алынган акчалай каражаттарды же башка мүлктү легалдаштыруу» беренеси боюнча дагы бир кылмыш иши козголду. Ушул жылдын 28-апрелинде Шадиевге «кызматтык абалынан кыянаттык менен пайдалануу» беренеси менен кылмыш иши козголгон. Ага «2017-жылы Чыңгыз Айтматов атындагы сыйлык берилбей турганын билип туруп, ушул сыйлык үчүн 30 миң долларды бөлүү боюнча парламент төрагасына кат жөнөткөн» деген айып коюлган.

1-июнда УКМКнын маалыматына караганда, Шадиев Лейлек району аркылуу Тажикстанга өтүп кеткен. 25-июнда УКМК тарабынан Шадиевге карата Кылмыш-жаза кодексинин «чек араны мыйзамсыз кесип өтүү» беренеси боюнча кылмыш иши козголгон.

Адилет Керимбек уулу
politika@super.kg