Астролог Жанар Кадыралиев сунуш кылат

КОЙ (21.03-20.04)
Жумуш жана балдар маселеси алдыңкы орунга чыгат. Кесиптештердин колдоосуна татыйсыз, анткени өз ара түшүнүүчүлүк жогорку деңгээлде болот. Кесиптештердин бирине жактыруу сезими ойгонот. Киреше да кирет, чыгаша да чыгат.

БУКАЧАР (21.04-20.05)
Үйдөгү айрым көйгөйдү эске албаганда апта негизинен жагымдуу өтөт. Балдарыңыздын кылган иши ичиңизди жылытат, айрыкча башка шаарда жашагандары. Эски сүйүүлөр козголот.

ЭГИЗДЕР (21.05-21.06)
Менменсинүүдөн улам айтышууларга кез келесиз. Аргасыз сапарга чыгасыз же унаа, документ көйгөйлөрү жаралат. Ачууңузду тыйсаңыз жакындарыңыздын колдоосуна татыйсыз. Көбүрөөк акча табуунун жолун издейсиз.

БӨЙӨН (22.06-22.07)
Каржы жана жакындарыңыздын маселеси убактыңызды алат. Сүйлөшүүлөр көп болот, жагымдуу кабар угасыз. Документ иштери жөнгө салынат. Жакын санаалаштарга же эски тааныштарга жолугасыз.

АРСТАН (23.07-23.08)
Аптада өзүмчүл болуп чыга келесиз. Анткени көңүл борборуңузда ишиңиз жана акча маселеси гана болот. Ниетиңиз орундалып капчыгыңыз кампаят. Айрым каршылыктарга туш болсоңуз капаланбаңыз. Бул убактылуу көрүнүш.

БИЙКЕЧ (24.08-23.09)
Аптада сүйкүмдүү жана жагымдуу болуп чыга келесиз. Үй-бүлөлүү болсоңуз бирөөнүн тузагына илинүүдөн сак болуңуз. Жашыруун нерселер айкын болуп чыга келет. Ушакка илинүүдөн, бирөөлөр менен ушакташуудан оолак болуңуз.


ТАРАЗА (24.09-23.10)
Дос, өнөктөштөр менен кубанарлык сүйлөшүүлөр жүрөт. Ошол эле кезде кайсы бир кырдаалдан улам бирөөлөр менен таарыныша кетүүңүз мүмкүн. Өз алдынча купуя аракеттер ийгиликтерге жеткирет. Туугандар колдойт.

ЧАЯН (24.10-22.11)
Жакын санаалаш, кесиптеш, жогорку кызмат ордундагы адамдар менен тыгыз мамиледе болосуз. Маанайлар өзгөрүлмөлүү болот. Тууганыңыздан же эски досуңуздан колдоо табасыз. Аларга жолугасыз.

ЖААЧЫ (23.11-21.12)
Жетекчиликке, көзөмөл органдарына жакындан мамиле жасоого туура келет. Айрыкча көзөмөл органдары менен алака кылууда тактикалуу болуңуз. Антпесеңиз келишпестик чыгат. Каржы, жумуш жагы ойдогудай болот.

ТЕКЕЧЕР (22.12-20.01)
Текшерүү органдары бизнесиңизге, кирешеңизге көз артышы мүмкүн. Тажрыйбаны, акылды жакшылап колдонуңуз да, коркпоңуз. Сизден чыгым чыкканы менен, баары сиз ойлогондой болот. Аптада ичимдиктен алыс болуңуз.

СУУ КУЯР (21.01-19.02)
Аптада үйдөгүлөр менен мамилеңиз жакшы болсо колуңузга акча тиет. Жакындарыңыз тараптан колдоолор болот. Кээ бир тааныштар менен урушуп калбоо үчүн дипломатиялык мамилени колдонуңуз.

БАЛЫК (20.02-20.03)
Аптада эски достор же эски өнөктөштөр менен жолугасыз. Жаңы таанышуулар да болот. Жумушта токтоо болуңуз. Бир эле мезгилде айрым кесиптештердин колдоосуна ээ болсоңуз, кайсы биринин бут тосуусуна чалдыгасыз.