11- август күнү бийчи Зульфия Лансарованы ата-энеси өзгөчө шаң, каада-салты аралаш той менен сүйүктүүсү, рэп ырчысы Баястанга турмушка узатты. Салтка ылайык, Зульфия улуттук көйнөк кийип, турмуш жолуна аттанды. Дунган элине күйөө бала болгон Баястан тойдогу кызыктарга токтоло кетти. “Кыз узатууда жолдош балам экөөбүз алгач чоң атасына барып саламдашып, андан соң баарына жүгүнүп, учурашып чыктык. Башкача сезимдер болду. Ал эми биз Зульфияны өзүбүздүн салтыбыз менен тосуп алдык. Келин алып келгенде чачыла чачышат эмеспи. Зульфияга ошол кызык көрүндү окшойт, “эмнеге бизге таттууларды чачып жатышат?” деп таң калды, бирок ага бул жөрөлгө жакты”,- дейт. Эки улутту бириктирген эки жашка бакыт каалайбыз.

star@super.kg