Эске салсак, мурдагы өкмөт башчы Сапар Исаков Матраимовду 2017-жылы ноябрда "иши саясий жетекчиликтин чечимдерине каршы келет" деген жүйө менен Бажы кызматынын төрагасынын орун басарлыгынан алган. Быйыл апрелде Матраимов "мени негизсиз жумуштан алды" деп Исаковдун ал буйругуна каршы сотко арыз берген. 25-июлда Биринчи Май райондук соту Райым Матраимовду Мамлекеттик бажы кызматынын төрагасынын орун басары кызматына кайра коюу боюнча чечим чыгарган.

Коомчулукта соттун бул чечими катуу талкууга алынып, бийликтин коррупция менен күрөшүү ниетине шек жараткан. Өкмөт ошончо күндөн бери соттун чечимине каршы чыгып, кийинки инстанцияга кайрылар-кайрылбасын билдирбей, чайналып келди. Соттун чечимине каршы кийинки иснтанцияга кайрылуу мөөнөтү 25-августта аягына чыкмак. Жарандык активисттер, саясатчылар тарабынан айтылып жаткан кескин сындар өкмөттү кийинки инстанцияга арыз жазууга мажбур кылды көрүнөт.

Автандил Добулбеков
politika@super.kg