Апта жагымдуу жаңылыктарга бай болду. 23-сентябрда ырчы Турдакун Ниязалиев уулдуу болду. Төртүнчү ирет ата статусуна ээ болгон ырчы мырза маңдайы жарыла сүйүнүп, кубанычы менен тең бөлүштү. “1 уул, 2 кызыбыз бар эле. Тун уулум Хамзага шерик болду деп абдан кубанып жатабыз. Уулум 3 килограмм 700 грамм салмакта төрөлдү. Ага Халид деген ысым ыйгардык”,- дейт ал.

Ал эми 24-сентябрь күнү ырчы Каныкей көз жарып, кызын жарыкка алып келди. Учурда эне-баланын ден соолугу жакшы, төрөтканадан үйүнө чыгып келгенин билдик. Каныкей жагымдуу жаңылыгын мындай бөлүштү. “Аябай бактылуумун. Өзүмдүкүндөй бакытты баарына каалайм. Кызымдын атын таенеси Акмарал деп койду. Төрөтүм өзүм ойлогондон жеңил өттү. Акмаралдын кашы-көзү кара экен, атасына окшош болчудай”.

Наристелер ата-энесинин жанында бактылуу балалык өткөрүшүн тилеп, бешик терметкен жылдыздарды куттуктап кетмекчибиз.

star@super.kg