Дадагаң болуп кетейин” деп ырдаган “Музаман” тобунун ырчысы Аксай экинчи ирет кыздуу болуп отурат. Бул тууралуу угуп, кубанычына ортоктош боло ырчы менен байланыштык:

“29-сентябрда үйүбүздө толуктоо болуп, бир тапичкеге көбөйдүк. Кызыбызга Айданек деген ысым ыйгардык. Салмагы 3 килограмм 600 грамм, бою 53 сантиметр экен. Эң кызыгы, бою да, салмагы да улуу кызымдыкындай болду. Буюрса, келинчегимдин абалы жакшы. Төрөт үйүнөн 3-октябрда алып кеттим. Кыркы чыккандан кийин тууган-уруктарга жентек той берели деп жатабыз”.

Ырчы мырзаны кырк жылкылуу болушу менен куттуктап, кыздарына бактылуу балалык каалайбыз!

star@super.kg