Кыргыз Республикасынын Эмгек сиңирген артисти Мирбек Атабековдун казак ырчысы Камшат Жолдыбаева менен аткарган “Тыңда мени” аттуу ырына тартылган клип катуу талкууга түштү. Клипте Мирбек менен Камшат сүйүшкөндөрдүн ролун жаратып, анда ашыктыктын "ысык" кадрлары кездешет. Социалдык тармактарда “Аялың кызганбайбы?” деп ырчы мырза үчүн кабатырлангандар чыгууда. SUPER.KG порталына комментарий берген Мирбек режиссёрдун “кучакташып, өбүшкүлө” деген талаптарын аткарбай койгонун айтат. Анан да клипти жубайы түшүнүү менен кабыл алганын кошумчалаган. Ырчы мырзанын жубайы Мээрим Төлөпберген да Инстаграм баракчасына “Урматтууларым, бул деген чыгармачылык, андан ашыкча эч нерсе жок. Мирбек баш тарткысы келгенде мен чектен ашпай тартылса болорун айткам. Клиптен кийин Мирбек мени ого бетер сүйүп, сыйлап калды”,- деп билдирүү калтырды.

Белгилей кетсек, Мирбек Атабеков көп жылдан бери хит ырларды жаратып келген таланттуу мырзалардын сап башында. Эми минтип боордоштордун жылдыздары менен иштешип, Казакстанды багындыра баштады.