Модель, бир топ клиптердин көркүн ачып жүргөн Эркеайым Абдуллаева турмуш жолуна аттанмакчы. Жакында Тай-Мурас аттуу жигит Эркеайымдын колун сурады. Бул тууралуу Эркеайымга байланышып, төмөнкүдөй жооп алдык:

– Жигитим Тай-Мурас менен интернет аркылуу таанышып, көпкө чейин сүйлөшүп жүрүп, анан жолуктук. 6-октябрда Тай-Мурастын бир тууган эжесинин туулган күнүн белгилеп отурсак, күтүлбөгөн жерден 101 роза гүлүн тартуулап колумду сурады. Болочок кайын журтум 10-октябрда кыргыздын салты менен мага сөйкө салып кетишти. Кыз узатуу тоюбуз 30-октябрга, заманбап тоюбуз 9-ноябрга белгиленди.

Тай-Мурас Камчыбек Ташиевдин баласы. Беш бир туугандын экинчиси экен. Ишкерлик менен алектенет. Ал кишинин уулу экенин кийин билдим. Тай-Мурастын адамдык сапатын бааладым.