Компаньон Банкынын акча которуулар боюнча «ОПОҢОЙ!» акциясынын биринчи этабынын жеңүүчүлөрү аныкталды. 12-октябрда банктын бөлүмдөрүндө жеңүүчүлөрдү сыйлоо аземи болуп өттү. Анда жеңүүчүлөргө баалуу байгелер: сыналгылар, ноутбуктар, планшеттер, смартфондор жана тиричилик техникалары тапшырылды.

КОМПАНЬОН БАНКЫ ЖЕҢҮҮЧҮЛӨРДҮ ЧЫН ЖҮРӨКТӨН КУТТУКТАЙТ!

Башкармалыктын төрайымы Маргарита Черикбаева Ош шаарындагы сыйлоо аземинде сөз сүйлөп, жеңүүчүлөрдү куттуктады:

– Биз ар бир кардарды баалайбыз жана акча которуулар боюнча биздин банктын кызматын тандаганыңыздар үчүн ыраазычылык билдиребиз! Акциянын 3 этабынын биринчи гана этабы аяктаганын белгилегибиз келет!

1-октябрдан 30-ноябрга чейин өтө турган экинчи этапта кардарларыбыз сыналгыларды, ноутбуктарды, планшеттерди жана башка баалуу байгелерди утуп алса болот. Ал эми финалда жеңүүчүлөрдү эң башкы 2 байге – Түркияга 2 адамга саякат жана iPhone X күтөт!

Баарыңыздарга ийгилик жана оомат каалайбыз! Акцияга катышыңыздар жана Компаньон Банкы менен жеңишке жетишиңиздер!

АКЦИЯНЫН ШАРТТАРЫ:

Акча которуулар боюнча «ОПОҢОЙ!» акциясы 2018-жылдын 1-августунан 31-декабрына чейин өткөрүлүп, жыйынтыгы 3 этапта чыгарылат:

1-этап: 2018-жылдын 1-августунан 30-сентябрына чейин

2-этап: 2018-жылдын 1-октябрынан 30-ноябрына чейин

3-этап: 2018-жылдын 1-августунан 31-декабрына чейин

Акцияга катышуу үчүн «Золотая Корона», Contact жана Western Union эл аралык тутумдары аркылуу аларда жеткиликтүү болгон ар кандай валюталарда акча которууларды жөнөтүү же алуу керектелет. Которуулардын көлөмү чоң болгон катышуучулар жеңүүчү болуп табылат. Жалпы көлөмдү аныктоо үчүн чет өлкөлүк валюталардагы бардык которуулар операцияны жүргүзгөн күнүнө карата Кыргыз Республикасынын Улуттук банкынын курсу боюнча сомго конвертацияланат.

Акциянын шарттары жана женүүчүлөрдүн тизмеси менен кененирээк Банктын www.kompanion.kg расмий сайтынан жана 8800 телефону аркылуу (уюлдук телефондон чалуулар акысыз) таанышууга болот.

Ибрагим Жусуев