Ырчы Нурлан Насип Инстаграмдын кыргыз сегментиндеги миллион катталуучу топтогон алгачкы ырчы мырза болду. Буга чейин ырчылар Самара Каримова жана Анжелика 1 миллиондон колдонуучу чогултушкан. Нурлан окурмандарынын санын миллионго жеткирейин деп деле аракет кылбаганын айтат.

“Инстаграмга жаңылыктарымды, катышкан концерттеримди, тойлорду, чет өлкөгө чыккандагы сүрөттөрүмдү, видеолорду, жаңылыктарымды жүктөп жүрөм. Миллионго жетейин деп деле аракет кылган жокмун. Менден аз катталуучусу бар айрым аккаунттар бир заматта ашып кетишкенин байкадым. Бирок мен жасалма жол менен көбөйткөнүм жок. Буга чейин миллион катталуучу топтогондор элге “майрамдаш керек” дегендей ой калтырып койду окшойт. Майрамдоо, менимче, айымдарга жарашат. Мен майрам уюштурган жокмун. Ансыз да майрамдар көп эмеспи”,- дейт ырчы.

star@super.kg