Футбол боюнча улуттук курама команданын капитаны Азамат Байматов үйлөндү. 18-ноябрда Азаматтын сүйүктүүсү Жибекти ата-энеси той менен футболчу жигитке узатышты. Азаматты жакшылыгы менен куттуктап, эки жаш тууралуу төмөнкүдөй маалыматтарды алдык:

– Келинчегимди биринчи жолу Инстаграмдан көрүп, таанышып калганбыз. Мен мурунтан фортепианодо ойногон айымдарды жактырчумун. Жибектин да ошондой видеосун көрүп, көңүлүмө ого бетер жакты. Келинчегим экөөбүз тең декабрда төрөлгөнбүз. Ал, буюрса, 22 жашка чыгат. Бишкекте төрөлүп-өскөн, үйдө жалгыз кыз, бир иниси бар. Экономикалык кесип боюнча эки жогорку билимин алып, азыр үчүнчүсүн аяктап жатат. Жубайым үйдө отура турган кыз эмес, окуусун бүтүрсө кесиби боюнча иштейм деп жүрөт. Азырынча заманбап тоюбуздун датасын айта албайм. Анткени жумушума байланыштуу пландар өзгөрүп кетиши ыктымал,- дейт Азамат. Эки жашка бакыт каалайбыз!

star@super.kg